Ճապոնիայի իշխանությունները պատմության մեջ առաջին անգամ ձերբակալել են 18 խաբեբաներից կազմված խմբին՝ Monero-ի գործարքները վերլուծելու միջոցով: Հանցագործները օգտագործել են այս կրիպտոարժույթը՝ գումար լվանալու նպատակով, և պատճառել մոտ 100 միլիոն իեն (670 հազար դոլար) վնաս։
Ճապոնական լրատվամիջոցների հաղորդմամբ՝ ոստիկանությունը հետաքննել է Monero-ի հետ կապված մոտ 900 գործարք, ինչը հնարավորություն է տվել բացահայտել հանցավոր խմբի գործողությունները։ Խմբի առաջնորդն է կասկածվում Յուտա Կոբայաշին, որը ձերբակալվել է մյուս անդամների հետ՝ գումարի լվացման և համակարգչային խարդախության մեղադրանքներով։
Խմբի հետաքննությունը սկսվել է օգոստոսին, կիբերհանցագործությունների նոր ստորաբաժանման ստեղծումից անմիջապես հետո, որը կազմակերպվել էր այս տարվա ապրիլին՝ կիբերանվտանգության ոլորտում աճող սպառնալիքներին դիմակայելու նպատակով։