Ֆրանսիայի դատարանները առգրավել են ավելի քան 70 միլիոն եվրո (76 միլիոն դոլար) արժողությամբ ակտիվներ, որոնք պատկանում են ռուսական ծագումով երկու գործարարների՝ ենթադրյալ փողերի լվացման գործի շրջանակներում, հայտնում են գործին մոտ կանգնած աղբյուրները։
Մարտին սկսված հետաքննությունից հետո դատարանները արտոնել են Կոտ դ’Ազուրի անշարժ գույքի առգրավումը, այդ թվում՝ վիլլաներ Սեն-Ռաֆայելում և Գրիմոյում: Հետաքննությունը ցույց է տվել, որ կասկածներ կան՝ կապված այդ գույքի ձեռքբերման համար օգտագործված միջոցների ծագման թաքցման հետ:
Աղբյուրների համաձայն՝ առգրավված գույքը պատկանում է գործարարներ Ռուսլան Գորյուխինին և Միխայիլ Օպենհեյմին։ Երկուսն էլ ունեն Կիպրոսի անձնագրեր։
Ֆրանսիան արդեն սառեցրել է միլիարդավոր եվրո արժողությամբ ռուսական ակտիվներ՝ սկսած 2022 թվականին Ռուսաստանի կողմից Ուկրաինա ներխուժումից։