Ֆրանսիական Ubisoft ընկերությունը, որը հայտնի է Assassin’s Creed-ով և Far Cry-ով, հայտարարել է իր առաջին Web3 տեխնոլոգիաներով խաղի թողարկման մասին:
Champions Tactics: Grimoria Chronicles խաղը, որը նախատեսվում է թողարկել հոկտեմբերի 23-ին, կգործարկվի Oasys բլոկչեյնում, որը հանդիսանում է Web3 խաղերի էկոհամակարգ:
Cointelegraph-ի հետ զրույցում խաղի գործադիր պրոդյուսեր Սիլվեն Լո-Մի-ն նշել է, որ Web3 տեխնոլոգիաները բարելավում են խաղային փորձառությունը՝ խաղացողներին հնարավորություն ընձեռելով ունենալ խաղային ակտիվներ:
Խաղը ներկայացված է որպես տակտիկական RPG, որտեղ խաղացողները հավաքում են չեմպիոնների թիմեր PvP մարտերում մասնակցելու համար։ Խաղացողները կարող են տիրապետել և փոխանակել եզակի հավաքական չեմպիոններ:
Կարևոր մեխանիզմներից մեկը կլինի "Դարբնոց" համակարգը, որը թույլ է տալիս ստեղծել և փոփոխել չեմպիոններին։ Լո-Մի-ն նշեց, որ մշակողների թիմը ուշադիր հետևում է հավասարակշռությանը, որպեսզի բոլոր հերոսները մնան մրցունակ:
Ubisoft-ը արդեն անցկացրել է ալֆա և բետա թեստավորումներ, որպեսզի հաշվի առնի խաղացողների արձագանքները և հավասարակշռի խաղի մեխանիզմները.