ՖԲՌ-ը ահազանգում է կրիպտոարժույթով կապված խարդախության մասին, որը որոշ ամերիկացիներին զրկել է իրենց խնայողություններից։
Ըստ ABC13-ի, բյուրոն հայտարարում է, որ ICHCoin ծրագիրը, որը զոհերի մոտ հետաքրքրություն է առաջացրել կրիպտոարժույթի ներդրումային կրթության անվան տակ, իրականում հայտնվել է որպես խարդախ սխեմա, որն ԱՄՆ քաղաքացիների դրամապանակներից գողացել է միլիոնավոր դոլարներ։
Ինչպես պատմել է ՖԲՌ-ի գործակալ Ամանդա Կալվերը, խարդախները խաբում են մարդկանց 2023 թվականի դեկտեմբերիից՝ օգտագործելով ICHCoin ծրագիրը և գողացել են մոտ 30 միլիոն դոլար։ Որոշ զոհեր ամբողջությամբ կորցրել են իրենց խնայողությունները։
Սխեման աշխատում է հետևյալ կերպ․ հանցագործները կապ են հաստատում հնարավոր զոհերի հետ սոցիալական ցանցերով՝ առաջարկելով կրիպտոարժույթի ներդրումային կրթություն և խոստանալով մեծ եկամուտներ։ Այնուհետև զոհերը տեղափոխվում են հաղորդագրությունների ծրագրեր, որտեղ նրանց սկսում են խորհրդատվություն տալ այսպես կոչված "պրոֆեսորներ"։ Զոհերին ցույց են տալիս կեղծ ICHCoin առևտրային հարթակ, որը ցույց է տալիս կեղծ եկամուտների տվյալներ։ Երբ մարդիկ փորձում են դուրս բերել իրենց գումարը, հաշիվները արգելափակվում են, կամ խարդախները դադարում են կապվել։
ՖԲՌ-ը շարունակում է հետաքննությունը և կոչ է անում բոլոր զոհերին կապվել բյուրոյի հետ՝ տրամադրելու տեղեկատվություն ICHCoin խարդախության մասին։